ଇତି ମଧ୍ୟରେ ଘଟଣା ବହୁଳ ୨୦୧୧ ବର୍ଷ ଶେଷ ହୋଇଛି୤ ଏହି ବର୍ଷ ଇସ୍ପାତ ସହର ରାଉରକେଲା ପାଇଁ ମିଶ୍ରିତ ଫଳ ଆଣିଦେଇଛି୤ ଗୋଟିଏ ପଟେ ସହରର ବିକାଶ ପାଇଁ ରାଜ୍ୟ ସରକାରଙ୍କ ପକ୍ଷରୁ ବ୍ୟାପକ କାର୍ଯ୍ୟକ୍ରମ ହାତକୁ ନିଆଯାଇଥିଲାବେଳେ ଅନ୍ୟ ପକ୍ଷରେ ରାଜନୈତିକ ଇଚ୍ଛାଶକ୍ତି ଏବଂ ସରକାରୀ ଅଧିକାରୀମାନଙ୍କର ଆନ୍ତରିକତାର ଅଭାବ ଯୋଗୁଁ ବିକାଶ ପ୍ରକ୍ରିୟାର ସୁଫଳ ମିଳିନାହିଁ୤ ୫୦ ଦଶକରେ ବଣପାହାଡ଼ ଘେରା ଆଦିବାସୀ ଅଧ୍ୟୁଷିତ ରାଉରକେଲାରେ ଦେଶର ପ୍ରଥମ ରାଷ୍ଟ୍ରାୟତ୍ତ ଉଦ୍ୟୋଗ ଅଧିନରେ ଇସ୍ପାତ କାରଖାନା ସ୍ଥାପନା ପରେ ଏହି ସହର ସମଗ୍ର ଦେଶ ଏବଂ ବିଦେଶରେ ଏକ ସ୍ବତନ୍ତ୍ର ପରିଚୟ ହାସଲ କଲା୤ ସମୟ କ୍ରମେ ଏହି ସହରର ବିକାଶ ପ୍ରକ୍ରିୟା ରାଉରକେଲା ଇସ୍ପାତ କାରଖାନା(ଆର୍‌ଏସ୍‌ପି) ଏବଂ ପୌରପାଳିକା ହାତରେ ନ୍ୟସ୍ତ ହେଲା୤