Development - Rourkela News

କେନ୍ଦ୍ର ମନ୍ତ୍ରୀ ନିତିନ ଗଡ଼କରୀଙ୍କ ଦ୍ୱାରା ବହୁ ପ୍ରତିକ୍ଷୀତ ଦ୍ୱିତୀୟ ବ୍ରାହ୍ମଣୀ ସେତୁର ୩ ଲାଇନ୍‌ ବିଶିଷ୍ଟ ଦୁଇଟି ସେତୁ ନିର୍ମାଣ ସହିତ ରାଉରକେଲାରୁ ବୀରମିତ୍ରପୁର ପର୍ଯ୍ୟନ୍ତ ଯାଇଥିବା ୧୪୩ନଂ ଜାତୀୟ ରାଜପଥର ପ୍ରଶସ୍ତୀକରଣ ଓ ୪ଲାଇନ୍‌ ବିଶିଷ୍ଟ ରାସ୍ତା ନିର୍ମାଣ ପାଇଁ ଶିଳାନ୍ୟାସ ରାଉରକେଲାଠାରେ ସମ୍ପନ୍ନ ହୋଇଛି। ରାଉରକେଲାର ବାଲୁଘାଟ ସ୍ଥିତ ରୁପଟୋଲା ଫୁଟ୍‌ବଲ୍‌ ପଡ଼ିଆରେ ଅନୁଷ୍ଠିତ ଏକ କାର୍ଯ୍ୟକ୍ରମରେ ମୁଖ୍ୟ ଅତିଥିଭାବେ କେନ୍ଦ୍ର ଭୂପୃଷ୍ଟ ପରିବହନ ମନ୍ତ୍ରୀ ନିତିନ ଗଡ଼କରୀ ଯୋଗଦେଇ ଦୁଇଟି ୩-ଲାଇନ୍‌ ବିଶିଷ୍ଟ ବ୍ରାହ୍ମଣୀ ସେତୁ ସମେତ ରାଉରକେଲାଠାରୁ ବୀରମିତ୍ରପୁର ପର୍ଯ୍ୟନ୍ତ ୧୪୩ନଂ ଜାତୀୟ ରାଜପଥର ୨୯ କିଲୋମିଟର୍ ରାସ୍ତା ନିର୍ମାଣ ପାଇଁ ଭୂମିପୂଜନ ଓ କନକତୋରା ଝାରସୁଗୁଡ଼ା ଜାତୀୟ ୪୯ ନଂ ଜାତୀୟ ରାଜପଥର ପ୍ରାୟ ୬୭ କିଲୋମିଟର ପ୍ରଶସ୍ତୀକରଣ କାର୍ଯ୍ୟକୁ ଦେଶ ଉଦ୍ଦେଶ୍ୟରେ ଉତ୍ସର୍ଗୀତ କରିଛନ୍ତି। ଆସନ୍ତା ଅଢ଼େଇ ବର୍ଷ ମଧ୍ୟରେ ପ୍ରାୟ ୩୮୨ କୋଟି ଟଙ୍କା ବ୍ୟୟ ଅଟକଳରେ ସମ୍ପୂର୍ଣ୍ଣ ହେବାକୁ ଥିବା ପୂରାତନ ଜାତୀୟ ରାଜପଥ ନଂ ୨୩ ଓ ନୂତନ ନଂ ୧୪୩ର ରାଉରକେଲାରୁ ବୀରମିତ୍ରପୁର ରାସ୍ତାର ପ୍ରଶସ୍ତୀକରଣ କାର୍ଯ୍ୟ ସମ୍ପନ୍ନ ହେବ ବୋଲି ଜଣାପଡ଼ିଛି। ଏହି କାର୍ଯ୍ୟ ପାଇଁ କାର୍ଯ୍ୟାଦେଶ ହାଇଦେରାବାଦ୍‌ର ଜିକେସି କମ୍ପାନୀକୁ ଦିଆଯାଇଛି।

ଜୁଲାଇ ୧ ତାରିଖରୁ ଦୁଇମାସ ପାଇଁ ରାଉରକେଲାଠାରେ ପାସପୋର୍ଟ ସେବା ଶିବିର ଅନୁଷ୍ଠିତ ହେବ।

ଓଡ଼ିଶାରେ ନୂତନ ଉଦ୍ୟୋଗ ଓ ଶିଳ୍ପ ପ୍ରତିଷ୍ଠା ସହିତ ରାଜ୍ୟରେ ଥିବା ବିଭିନ୍ନ ଉଦ୍ୟୋଗ ଓ ଶୁଳ୍ପାନୁଷ୍ଠାନଗୁଡ଼ିକପାଇଁ ଅଧିକ ସୁଯୋଗ ପ୍ରଦାନ ନିମନ୍ତେ ୨୦୧୫ ମସିହାରେ ରାଜ୍ୟ ସରକାର କେତେକ ନୂତନ ବ୍ୟବସ୍ଥା ଆରମ୍ଭ କରିଛନ୍ତି।

ଦେଶର ଅନ୍ୟତମ ପୂରାତନ ରେଳ ଲାଇନ୍‌ ଭାବେ ପରିଚିତ ମୁମ୍ବାଇ – ହାଓଡ଼ା ରେଳପଥ ଅନ୍ତର୍ଗତ ରାଉରକେଲା-ଝାରସୁଗୁଡ଼ା ରେଳ ସେକ୍ସନ୍‌ରେ ତୃତୀୟ ରେଳ ଲାଇନ୍‌ ନିର୍ମାଣ ପାଇଁ ଆଜି ରାଉରକେଲାଠାରେ ଶିଳାନ୍ୟାସ ହୋଇଯାଇଛି।

ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ତାଙ୍କର ରାଉରକେଲା ଗସ୍ତ ସମୟରେ ମୋଟ ୫ଟି ନିର୍ମାଣ ଶେଷ ହୋଇଥିବା ପ୍ରକଳ୍ପର ଲୋକାର୍ପଣ କରିବା ସହିତ ୧୨ଟି ନୂତନ ପ୍ରକଳ୍ପ ପାଇଁ ଶିଳାନ୍ୟାସ କରିଛନ୍ତି।