Top News - Rourkela News

ରାଉରକେଲାରେ ଥିବା ବିଜୁ ପଟ୍ଟନାୟକ ବୈଷୟିକ ବିଶ୍ୱବିଦ୍ୟାଳୟର ୭ମ ସମାବର୍ତ୍ତନ ଉତ୍ସବ ଆସନ୍ତା ୧୭ ତାରିଖରେ ବିଶ୍ୱବିଦ୍ୟାଳୟ ମୁଖ୍ୟାଳୟ ପରିସରରେ ଅନୁଷ୍ଠିତ ହେବ।

ସ୍ଥାନୀୟ ଭଞ୍ଜଭବନ ନିକଟସ୍ଥ ପ୍ରଦର୍ଶନୀ ପଡ଼ିଆଠାରେ ରାଜ୍ୟସ୍ତରୀୟ ମୂର୍ତ୍ତିକା ଶିଳ୍ପ ପ୍ରଦର୍ଶନୀ ଉଦ୍‌ଘାଟିତ ହୋଇଯାଇଛି।

ଭାରତୀୟ ତୈଳ ନିଗମ ପକ୍ଷରୁ ରାଉରକେଲା ବିମାନ କ୍ଷେତ୍ରଠାରେ ସ୍ଥାପିତ ୧୦୦ତମ ବିମାନ ଇନ୍ଧନ କେନ୍ଦ୍ରକୁ ପେଟ୍ରୋଲିୟମ୍‌ ଓ ପ୍ରାକୃତିକ ବାଷ୍ପମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଆଜି ଉଦ୍‌ଘାଟନ କରିଛନ୍ତି।

ଓଡ଼ିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଦିନିକିଆ ରାଉରକେଲା ଗସ୍ତରେ ଆସି ବିଭିନ୍ନ କାର୍ଯ୍ୟକ୍ରମରେ ଯୋଗଦେଇ ଫେରିଯାଇଛନ୍ତି। ସ୍ଥାନୀୟ ବିର୍ସା ମଇଦାନଠାରେ ନିର୍ମାଣ ଶ୍ରମିକ ସେବା ସପ୍ତାହ ପାଳନ ଉପଲକ୍ଷେ ଆୟୋଜିତ ସମାରୋହରେ ଯୋଗଦେଇ ନିର୍ମାଣ ଶ୍ରମିକମାନଙ୍କର କଲ୍ୟାଣ ପାଇଁ ତାଙ୍କ ସରକାର ଅନେକ କାର୍ଯ୍ୟକ୍ରମ ହାତକୁ ନେଇଛନ୍ତି ବୋଲି କହିଥିଲେ।

ଓଡ଼ିଶାର ସଂଖ୍ୟାଧିକ ପୌରପାଳିକା ଓ ବିଜ୍ଞାପିତ ପରିଷଦରେ ୨୦୦୮ରେ ନିର୍ବାଚିତ ହୋଇଥିବା ପ୍ରତିନିଧିମାନଙ୍କର କାର୍ଯ୍ୟକାଳ ସରିବା ପରେ ନୂତନ ପ୍ରତିନିଧିମାନଙ୍କ ପାଇଁ ନିର୍ବାଚନ ୨୦୧୩ ମସିହା ସେପ୍ଟେମ୍ବର-ଅକ୍ଟୋବର୍‌ ମାସରେ ହୋଇଥିଲା। ସେହି ସମୟରେ ସୁନ୍ଦରଗଡ଼ ଜିଲ୍ଲାର ୪ଟି ପୌରାଞ୍ଚଳ ମଧ୍ୟରୁ ରାଉରକେଲା ବ୍ୟତୀତ ଅନ୍ୟ ସବୁ ପୌରାଞ୍ଚଳ ପାଇଁ ନିର୍ବାଚନ ହୋଇ ବିଭିନ୍ନ ୱାର୍ଡରୁ ପ୍ରତିନିଧିମାନେ ନିର୍ବାଚିତ ହେବା ସହିତ ପୌରାଧ୍ୟକ୍ଷ ଓ ଉପାଧ୍ୟକ୍ଷ ମଧ୍ୟ ନିର୍ବାଚିତ ହୋଇଥିଲେ। ସେହି ସମୟରେ ରାଉରକେଲାକୁ ମହାନଗର ନିଗମ କରାଯିବା ପାଇଁ ପ୍ରକ୍ରିୟା ଆରମ୍ଭ ହୋଇଥିବାରୁ ଏଠାରେ ଥିବା ପୌରପାଳିକା ପାଇଁ ନିର୍ବାଚନ କରାଯାଇ ନଥିଲା। ପରେ ନଭେମ୍ବର ୨୦୧୩ ମସିହାରେ ରାଜ୍ୟ ଗୃହ ଓ ନଗର ଉନ୍ନୟନ ବିଭାଗ ପକ୍ଷରୁ ପ୍ରକାଶିତ ବିଜ୍ଞପ୍ତି ମୁତାବକ ରାଉରକେଲାକୁ ମହାନଗର ନିଗମରେ ପରିଣତ କରାଯିବା ନେଇ ଘୋଷଣା ହୋଇଥିଲା।