Please Sign Petition → SAIL Medical College at Rourkela & Upgrading IGH to Super Speciality Hospital
 
Upcoming Events
 

Do you think Hemanand Biswal can bring ESIC MC&H to RKL ?
View Results
ARCHIVE
March 2017
M T W T F S S
« Dec    
 12345
6789101112
13141516171819
20212223242526
2728293031  

ମାଟ୍ରିକ୍‌ ପରୀକ୍ଷା ଫଳରେ ବିଭ୍ରାଟ ସୁଧୁରିଲା: ଅନେକ ଛାତ୍ରଛାତ୍ରୀଙ୍କ ନମ୍ବର ବଢିଲା

Date : May 2nd, 2014
Share : | More

ଭୁବନେଶ୍ବର: ଗତ ଅପ୍ରେଲ୍‌ ୩୦ ତାରିଖ ଦିନ ଓଡ଼ିଶା ମାଧ୍ୟମିକ ଶିକ୍ଷା ପରିଷଦ(ବୋର୍ଡ) ଦ୍ବାରା ପରିଚାଳିତ ମାଟ୍ରିକ୍‌ ପରୀକ୍ଷା ଫଳ ପ୍ରକାଶ ପାଇଥିଲା୤ ଚଳିତ ବର୍ଷ ପରୀକ୍ଷା ପଦ୍ଧତିରେ ସଂସ୍କାର ଅଣାଯାଇଥିବାରୁ ଏହି ଫଳାଫଳ ଉପରେ ସମସ୍ତଙ୍କ ନଜର ରହିଥିଲା୤ କିନ୍ତୁ ଫଳାଫଳ ପ୍ରକାଶ ପାଇବାର ମାତ୍ର କିଛି ଘଣ୍ଟା ପରେ ଅନେକ ଛାତ୍ରଛାତ୍ରୀ ସେମାନଙ୍କ ତୃତୀୟ ଭାଷା(ସଂସ୍କୃତ ବା ହିନ୍ଦୀ) ପରୀକ୍ଷା ଫଳ ସଠିକ ନୁହେଁ ବୋଲି ପ୍ରଶ୍ନ ଉଠାଇଥିଲେ୤ ଏହାପରେ ବୋର୍ଡ କର୍ତ୍ତୃପକ୍ଷ ତୃତୀୟ ଭାଷା ପ୍ରଶ୍ନପତ୍ରର ବସ୍ତୁନିଷ୍ଠ(ଅବ୍‌ଜେକ୍ଟିଭ୍‌) ଖାତାଗୁଡ଼ିକର କମ୍ପ୍ୟୁଟର୍‌ ମୂଲ୍ୟାୟନ ସମୟରେ ତ୍ରୁଟି ରହିଥିବା କଥା ଜାଣିବାକୁ ପାଇଥିଲେ୤ ତେଣୁ ଏହି ତ୍ରୁଟିକୁ ସୁଧାର କରି ସଠିକ ଫଳାଫଳ ଆଜି ସୁଦ୍ଧା ପ୍ରକାଶ ପାଇବ ବୋଲି ବୋର୍ଡର ସଭାପତି ଦକ୍ଷ ପ୍ରକାଶ ନନ୍ଦ ସୂଚନା ଦେଇଥିଲେ୤

ସେହି କ୍ରମରେ ଆଜି ଏକ ନିର୍ଦ୍ଦିଷ୍ଟ ୱେବ୍‌ସାଇଟ୍‌ www.indiaresults.com ରେ ପରିମାର୍ଜିତ ଫଳାଫଳ ପ୍ରକାଶ ପାଇଛି୤ ସୂଚନା ମୁତାବକ ଏହି ଫଳାଫଳ ପ୍ରକାଶନ ପରେ ଅନେକ ମେଧାବୀ ଛାତ୍ରଛାତ୍ରୀମାନଙ୍କର ତୃତୀୟ ଭାଷା(ସଂସ୍କୃତ ବା ହିନ୍ଦୀ) ଅବ୍‌ଜେକ୍ଟିଭ୍‌ ବିଭାଗରେ ସର୍ବାଧିକ ୩୦ ରୁ ୪୦ ପର୍ଯ୍ୟନ୍ତ ନମ୍ବର ପର୍ଯ୍ୟନ୍ତ ବୃଦ୍ଧି ପାଇଛି୤ ଏହା ଫଳରେ ଛାତ୍ରଛାତ୍ରୀମାନଙ୍କର ମୋଟ ନମ୍ବର ମଧ୍ୟ ବୃଦ୍ଧି ପାଇଛି୤ ଗତ ଦୁଇଦିନ ଧରି ଚିନ୍ତା ଓ ଆଶଙ୍କାରେ ଥିବା ଛାତ୍ରଛାତ୍ରୀମାନେ ସେମାନଙ୍କ ନୂତନ ନମ୍ବର ଜାଣିବା ପରେ ଖୁସି ବ୍ୟକ୍ତ କରିଛନ୍ତି୤

ଇତିମଧ୍ୟରେ ପରୀକ୍ଷା ଫଳ ପ୍ରକାଶନ ସମୟରେ ହୋଇଥିବା ଉକ୍ତ ତ୍ରୁଟିର କାରଣର ତଦନ୍ତ ପାଇଁ ନିର୍ଦ୍ଦେଶ ଦିଆଯାଇଛି୤ କିନ୍ତୁ ଏଠାରେ ପ୍ରଶ୍ନ ଉଠୁଛି ଯେ, ପରୀକ୍ଷା ଫଳ ପ୍ରକାଶନ ପୂର୍ବରୁ ବୋର୍ଡ କର୍ତ୍ତୃପକ୍ଷ ଉକ୍ତ ତ୍ରୁଟି ବିଷୟରେ ଜାଣିପାରିଲେ ନାହିଁ କାହିଁକି ଓ କିପରି ? ସେହିପରି ଫଳାଫଳ ପ୍ରକାଶନ ପରେ ଯେଉଁ ଛାତ୍ରଛାତ୍ରୀମାନେ ମାନସିକ ଦୁଶ୍ଚିନ୍ତାରେ ରହିଲେ ଓ ସ୍ଥାନେ ସ୍ଥାନେ ସେଥିପାଇଁ ଆଇନଶୃଙ୍ଖଳା ପରିସ୍ଥିତି ସୃଷ୍ଟି ହେଲା ସେଥିପାଇଁ ଦାୟୀ କିଏ ? ଅପ୍ରେଲ୍‌ ୩୦ତାରିଖରେ ପରୀକ୍ଷା ଫଳ ମୋଟ ୮ଟି ୱେବ୍‌ସାଇଟ୍‌ର ପ୍ରକାଶନ ପାଇଁ ବ୍ୟବସ୍ଥା ହୋଇଥିଲାବେଳେ ପରିମାର୍ଜିତ ଫଳାଫଳ କେବଳ ଗୋଟିଏ ୱେବ୍‌ସାଇଟ୍‌ରେ ଦେବା ପଛରେ ରହସ୍ୟ କ’ଣ ? ଫଳାଫଳ ପ୍ରକାଶ କରିବା ପାଇଁ କେବଳ ୱେବ୍‌ସାଇଟ୍‌କୁ ମାଧ୍ୟମ କରାଯାଇଥିଲାବେଳେ ଆମରାଜ୍ୟର ବିଭିନ୍ନ ଅଞ୍ଚଳର ଛାତ୍ରଛାତ୍ରୀମାନଙ୍କ ପାଇଁ ଫଳାଫଳ ଦେଖିବା ନିମନ୍ତେ ଆବଶ୍ୟକ ଭିତ୍ତିଭୂମିର ଅଭାବକୁ ଦେଖିବ କିଏ ?

ତେଣୁ ପ୍ରତିବର୍ଷ ପରୀକ୍ଷା ପରିଚାଳନା ଓ ପରୀକ୍ଷା ପଦ୍ଧତିରେ ନୂତନ ବ୍ୟବସ୍ଥା ପ୍ରଚଳନ କରିବା ପରେ ମଧ୍ୟ ଏହା ତ୍ରୁଟିଶୂନ୍ୟ ନହେବାର କାରଣ ସହିତ ଉପରୋକ୍ତ ପ୍ରଶ୍ନବାଚୀ ବିଷୟ ବାବଦରେ ଆବଶ୍ୟକ ତଦନ୍ତ କରି ଦୋଷୀ ବିରୋଧରେ ଦୃଷ୍ଟାନ୍ତମୂଳକ କାର୍ଯ୍ୟାନୁଷ୍ଠାନ ଗ୍ରହଣ ପାଇଁ ବୁଦ୍ଧିଜୀବୀ ମହଲରେ ଦାବି ହେଉଛି୤

 

Leave a Reply

What Readers Say ?
  • he forgot about railway divison :)
    situn | More
  • Hi , i would like to thank all top management that at least people are thinking about development of Rourkela. ...
    Tapan | More
  • In addition to above, Rourkela Govt College shall be converted to a University and all non-technical colleges in and around ...
    B das | More
  • it is requested to all party members are raise their voice favour of rourkela .
    mihir kumar | More
  • kana pain rkl ra develope kara jaunahin athi mantri aau sansada manankara antarika ichha nahin jaha heu achi sabu bhubaneswar ...
    rajesh sahoo | More
Back to Top
POWERED AT
Join us at
  • facebook
  • twitter
  • Myspace
  • Digg