ଆନ୍ତଃ ଜିଲ୍ଲା ବିଦ୍ୟାଳୟ ହକି ପ୍ରତିଯୋଗିତା ଅନୁଷ୍ଠିତ

ରାଉରକେଲା: ସ୍ଥାନୀୟ ପାନପୋଷ କ୍ରୀଡ଼ା ଛାତ୍ରାବାସ ପରିସରରେ ଥିବା ଆଷ୍ଟ୍ରୋଟର୍ଫ୍‌ ପଡ଼ିଆରେ ଗତକାଲିଠାରୁ ଆରମ୍ଭ ହୋଇଥିବା ଆନ୍ତଃ ଜିଲ୍ଲା ବିଦ୍ୟାଳୟ ହକି ପ୍ରତିଯୋଗିତା ଆଜି ସମ୍ପନ୍ନ ହୋଇଛି୤ ଏହି ପ୍ରତିଯୋଗିତାର ୪ଟି ବର୍ଗରେ ମୋଟ ୧୨ଟି ଦଳ ଭାଗ ନେଇଥିଲେ୤ ଏଥିରେ ସମସ୍ତ ବର୍ଗରେ ସୁନ୍ଦରଗଡ଼ ଜିଲ୍ଲା ବିଜେତା ହୋଇଥିଲାବେଳେ ସମସ୍ତ ବର୍ଗରେ ସମ୍ବଲପୁର ଜିଲ୍ଲା ଉପବିଜେତା ହୋଇଛି୤ ଆଜି ଅନୁଷ୍ଠିତ ଉଦ୍‌ଯାପନୀ ଅବସରରେ ବିଜେତା ଓ ଉପବିଜେତା ଦଳଗୁଡ଼ିକୁ ଅତିଥିମାନେ ପୁରସ୍କୃତ କରିଥିଲେ୤ ଏହି ପ୍ରତିଯୋଗିତାରେ ଉନ୍ନତମାନର ଖେଳ ପ୍ରଦର୍ଶନ କରିଥିବା ଖେଳାଳୀମାନଙ୍କ ମଧ୍ୟରୁ ଚଳିତ ମାସରେ ହେବାକୁ ଥିବା ଜାତୀୟ ବିଦ୍ୟାଳୟ ସମୁହ ପ୍ରତିଯୋଗିତା ପାଇଁ ଖେଳାଳି ଚୟନ କରାଯାଇଛି୤